Hello 朋友仔🐶 ～ 又係我哋poodle界短腳同大頭為大家介紹筍嘢嘅時候啦！忌廉鮮奶最近收到 #鮮食煮意 個中秋月夜星光寶盒，裏面好似多啦A夢個百寶袋咁咩都有齊晒，帶住呢個寶盒慶中秋就輕鬆冇難度啦😌

中秋月夜星光寶盒（價值$328）

禮盒採用雷射印刷，更附有星光小燈，淨係個包裝已經夠吸睛啦😍

正當我哋一如既往諗住將寵物月餅放入雪櫃.. 咦？唔洗放雪櫃架！月餅配以獨有嚴格處理嘅殺菌技術，喺唔需要防腐劑同添加劑嘅情況下，都可以室溫保存嘅寵物月餅🥮 唔需要解凍又唔需要加熱，好方便呀！

寶盒內有4個月餅🥮 4款月餅口味分別係美國火雞、澳洲草飼牛、紐西蘭鹿肉、南非鴕鳥，每款都用無麩質面粉，蔬菜粉同羊奶粅製作而成，睇下鮮奶食到舔舔脷～😋

中秋最緊要團團圓圓🍑 除咗月餅，又點少得湯圓！滋補養生寵物湯圓以紅棗杞子圓肉燉水鴨湯做湯底，配有三文魚雞肉餡嘅湯圓，好食得來又養生😌

你以為寶盒只係用來醫肚？錯啦～ 中秋點少得帶埋毛孩一齊去賞月，全能嘅寶盒入面竟然好貼心咁準備埋蚤帶！全天然草本精油夜光蚤帶長效八個月，即使喺郊外、草地同狗狗共渡中秋，都唔驚狗狗俾牛蜱昆蟲咬，喺黑夜仲有夜光效果添！咁就可以放心賞八月十五的月光啦🌕

月餅味道：4/5

包裝送禮：5/5

禮盒內容：4.5/5

性價比 ：4/5

整體/總評分：4.5/5

心動不如行動啊！有興趣既朋友仔快d叫你地奴才入手，咁就可以開開心心賞月迎中秋啦!